يا راعي العيون الجاذبية

يا راعي العيون الجاذبية

ايه يا راعي المحبة الاوليه

ارحم اللي حاله من الشوق باري


ارحم عيون مدامعها شقيه

حفيت عيوني من اسباب انتظاري


منك ياراعي العيون الجاذبية

من تصيبه مايفيده الاستشاري


والجدايل طية من فوق طيه

ليلها لامن ضوى لك جيت ساري


من كتف وردف خصر فيه زيه

ومن ردوفه يضلع وهذي المواري


انت في قلبي خذيت الاوليه

الغلا لك والوفا لك وانت داري


انتظرك اليوم والصبح وقفيه

والعمر بيروح وانا في قراري


مابقى لي غير لوعات خفيه

ما خفا في الصدر تكشفه العباري


واتعرض للنسانيس العذيه

علها تطفي لهيب منك جاري


وانت تاخذني على ادنى خطية

لاتخليني على الابعاد ضاري


ولاتعرضني سراب المهمهيه

والجفا حده مثل حد الشفاري


في الحنايا العوج حب وقابليه

لاتقدمها على بايع وشاري


انجذب لك في الهوى والنار حيه

في غرامك صايرن شخص انتحاري


وانت بي مسرف وزدت الكي كيه

مطلق حبي لذعذاع الصحاري

.

.

.

مدونة أبوفارس


التعليقات

التعليقات تحتاج لموافقة صاحب المدونة لنشرها.


استضافة مجانية من موقع مدونات عبر! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة | سياسة الخصوصية |نسخة الموبايل